domingo, 10 de maio de 2009

La Trindade1




Trindade: a ber se las pessonas bán botando fé al die 22 de Agosto para benir anté eiqui al meio deste campo de sobreiros.
Assi que houbir más amboras eilhas serán puostas neste sítio feito d'aprepósito para cumbersar suobre esse ancuontro.
De momento solo sabemos l die i l sítio. Outras cuontas stán a ser tratadas: la merenda, la barrila, la bota i la cumbersa. Sí, que falar cun aire no stómado i secura nos beiços nun s'anrosca alhá mui bien.

2 comentários:

Almendra disse...

Yá puodes cuntar cun tiu Almendra i la mulhier.
L bino bou-bos-lo arranjar you.

Abraço
Almendra

ACangueiro disse...

Solo agora ye que bi l blogue i ende bai l la cumbersa que screbi ne l FROLES:

A ber se desta beç terei l guosto i l prazer de star alhá i conhecer a todos ls Bloguers de l Praino.

Sabeis, ya me stá a scorrer l'auga na boca... un cachico de marrana assada, an riba de l pan cun aqueilho molhico, cortada cun ua Palaçuola i a la selombra daqueilhes sobreiros, mirando al cielo anquanto se l'aperta l culo a la bota i l spicho antra pula gorja andrento...

Un abraço,
António Cangueiro