Eiqui neste rinconico será un foro de çcussión suobre ancuontros de bloguers no Praino i de l Praino.
Parece que haberá un an Agosto na Trindade. Suobre él eiremos falando, scuitando las oupeniones las pessonas i botando ls promenores, anté porque l mardomo tén que trabalhar tamien pals festejeiros: anquemendar ls foguetes, chamar l padre para dezir missa, ou ua dúzia para que salga cantada, escolher l taberneiro ... todo esso i más cousas que de momento nun me benen a la eideia.
5 comentários:
Buona eideia, este blogue.
Acho que mos podies amostrar un cachico mais de la Trindade, las tierras acerca i esso todo.
Assi, quando alhá chegar quyien nunca alhá stubo, ye cumo se yá coincira l sítio.
Un abraço,
Amadeu
2º Ancuontro de blogurs de l Praino
Muito gustarie de star persente neste segundo ancuontro de blogurs na Trindade , mas nesse die, mesmo stando inda de bacanças tengo que acumpanhar la mie tie an Lisboua, adonde ten ua atebidade porfissional.
Yá limpassado assi acunteciu, mas la bida ye assi mesmo nun podemos star an to ls lhados nien siempre que queremos culs amigos, assi sendo deseio l maior eisito pa l mardomo (pul trabalho que ten), a todos ls partecipantes un die farto, muita alegria, muito cumbíbio i ua buona jornada de lhéngua i cultura mirandesa.
Mesmo nun stando alhá cun bós, nun me bou a squecer i starei alhá de coraçon i alma.
Un abraço arrochado
Faustino Antão
La Trindade ye sin dúbida un sítio agradable para cunfraternizar i passar un cacho bien passado. Selombras nun faltan, cumo yá outros deziran, e siempre bai correndo un airico que tamien refresca.
Este anho la mordomie andube cun obras i yá faziran alhá uas casas de banho.
Cuntai comigo tamien, porque sendo you de Fuonte Aldé anté era crime faltar i se precisardes de ajuda, ou algum recado para ls mardomos, tenerei muito gusto en ser útil.
Un abraço
Félç
you vou a chamar uns amigues de lóutru "llau" a ver se venen hehhe
Fuonte Aldé apresta:
TeleCurral II, ua comédia mirandesa cun Justino Tino i Felisbino Bino, n'l die 28 de Agosto an Fuonte Aldé.
Aparecei por alhá pra rir até que duola la barriga.
Para mais anformaçones, cunsultar:
nuobas.blogspot.com
Cumprimentos
Enviar um comentário