quarta-feira, 21 de abril de 2010

Senhora de l Resairo - 3º ancontro de bloguers mirandeses





L ancontro de Bloguers mirandeses dastanho yá ten data terminada: ye die 21 de Agosto - Sábado -, na Senhora de l Resairo, ne l termo de San Pedro, cerca de las Minas de Santo Adrian.
Ls "Mardomos" stan a tratar de l "cartaç cultural" i de l "porgrama de atebidades" - a ber se ls workshops son subre bitela assada ó subre canhono guisado - mas ua cousa ye cierta: hay que lhebar ua nabalhica para l zambolbimiento de ls trabalhos.
Este blogue ha de serbir para fazer las anscriçones -podeis dezir quien fai tençon de ir ne ls quementairos - i tamien para que déiades l buosso parecer subre cumo se ha de fazer ó l que se ha de quemer ó para dezir l que quejirdes, nun stubíramos nós an Abril, para naide mos amponer l que habemos de dezir.
Anton, botai-bos alhá, toca a fazer las anscriçones, nun seia pori que apuis falte la chicha ó que inda téngamos que la andar a quemer de castigo por le haber botado mal las cuontas.

4 comentários:

Amadeu disse...

Mui bien. Antoce assentai-me alhá, cun campo para dous.
Hai que atualizar ls dezires al lhado desta antrada, que inda son de l anho atrasado: subretodo l précio, lista de ls que yá stan assentes, porgrama i cousas assi.
Apuis para ir, subretodo quien querga ir por San Pedro, talbeç nun seia mala eideia treminar ua hora de ancuontro cul Filho de la Porsora.

Abraço i bamos alhá,
Amadeu

Boieiro disse...

Á pus haba salude i suorte que este tamien fai fé de dar ua ronda pulhi!
Abraço

Boieiro disse...

Cunta cun más trés:
Alberto Gómez Bautista - porsor de lhéngua castelhana de l Anstituto Cervantes, doutorando cul tema: formaçon de palabras an mirandés;
Xabier Frías, porsor e lhenguista an Madriç (fala mirandés) i André Pociña, porfessor na Ounibersidade de la Stremadura.

Abraço
A.M.

ACangueiro disse...

You pensaba que ya staba na lista mas l miu nome inda nun faç parte, acho que inda bou a tiempos, ponei alhá más dous.

António Cangueiro